18. தன்வினை, பிறவினை, செய்வினை, செயப்பாட்டு வினை

தன்வினைவாக்கியம்

கருத்தா தானே செய்யும் செயலை உணர்த்துவது தன்வினை வாக்கியமாகும்.

நான் பாடம் படித்தேன்

அரசன் ஆணையிட்டான்

இராமன் பள்ளிக்கு சென்றான்

பிறவினைவாக்கியம்

கருத்தா பிறரைக் கொண்டு தொழிலைச் செய்வது பிறவினை எனப்படும்

கற்றான் –  கற்பித்தான்

உருண்டான்  –  உருட்டினான்

எழுந்தான்  –  எழுப்பினான்

தீ எரிந்தது  –  தீ எரித்தது

திருந்தினான்  –  திருத்தினான்

செய்வினைவாக்கியம்

எழுவாய், செயப்படுபொருள், பயனிலை என்ற வரிசையில் வாக்கியம் அமைதல் வேண்டும்.

செயப்படு பொருளோடு ‘ஐ’ என்னும் இரண்டாம் வேற்றுமை உருபு சேர்ந்து வரும்

மறைந்தும் வரலாம்

· ஆசிரியர் இலக்கணம் கற்பித்தார்

· நான் பாடல் இயற்றினேன்

· உழவர் நெற்பயிரை வளர்த்தனர்

· கரிகாலன் கல்லணையைக் கட்டினான்

· பாண்டியன் கதவைத் தட்டினான்

· இந்திய அறிவியல் அறிஞர்கள் செயற்கைக்கோளைச் செலுத்தினர்

· தலைவன் ஒரு நாட்டை உயர்த்தினான்

செயப்பாட்டுவினைவாக்கியம்

செயப்படுபொருள், எழுவாய், பயனிலை என்ற வரிசையில் வாக்கியம் அமைய வேண்டும்

எழுவாயோடு ‘ஆல்’ என்னும் மூன்றாம் வேற்றுமை உருபு சேர்க்க வேண்டும்

பயனிலையோடு படு, பட்டது என்ற துணை வினைகளைச் சேர்க்க வேண்டும்

· வகுப்பு மாணவர்களால் தூய்மை செய்யப்பட்டது

· இலக்கணம் ஆசிரியரால் கற்பிக்கப்பட்டது

· பாட்டு என்னால் பாடப்பட்டது

· நாடகம் மக்களால் பார்க்கப்பட்டது

· மழைநீர் மக்களால் சேமிக்கப்பட்டது

· பரிசில் அரசனால் வழங்கப்பட்டது